Medel
Lucmagn
Medel
Lucmagn

Fundaziun Cuntrada cultivada Val Medel

Sin fundament dil project „Cuntrada cultivada Val Medel“ ha la radunonza communala dils 13 da november 2003 decidiu da scaffir ina fundaziun cul medem num e concedeiu in capital inizial da fr. 30’000.—. El cussegl da fundaziun ein vegni elegi Aluis Albin (Fuorns), Peter Bolliger (menader dil survetsch svilup dalla cuntrada, HSR scol’aulta da tecnica, Rapperswil), Fredi Hediger (Ottenbach), Marc-Antoni Nay (Tgira da monuments dil Grischun), Conrad Pally (Curaglia), Anastasia Simonet (Curaglia) ed Alfons Venzin (Curaglia).
 
El scret da funaziun ei igl intent dalla fundaziun fixaus egl art. 2 sco suonda: “Die Stiftung unterstützt die Erhaltung und Weiterentwicklung der Kulturlandschaft Val Medel.”
 
Igl 1. da mars 2004 ei il cussegl da fundaziun seradunaus l’emprema ga per la seduta constitutiva. Il cussegl da fundaziun ha era gest fixau ord tgei spartas ch’el vegn a sustener finanzialmein projects tenor finamira dalla fundaziun. Quellas spartas ein:
- Manteniment, tgira e svilup dalla cuntrada cultivada cun sia tipica fuorma dalla cuntrada, sco p.ex. terrassas dalla cuntrada cultivada tradiziunala.
- Spazi da viver ed objects culturals, sco p. ex. maghers, mirs schetgs, seivs, clavaus, vias da muntada historica.
- Concepziun, construcziun e manteniment da vias per contemplar la natira e la cultura.
- Ovras artisticas e litteraras cun realaziun tier la Val Medel.
- Specials products ord la producziun indigena, evtl. cun zertificat sco era la vendita da quels.
- Perscrutaziuns, documentaziun ed intermediaziun dalla cuntrada cultivada.

Medemamein ha il cussegl da fundaziun discussiunau ils principis d’in sempel reglament che duei vegnir mess en vigur e publicaus aschi spert sco pusseivel.

Damondas da project san vegnir inoltradas da persunas privatas, uniuns, dallas gruppas da lavur ch’ein vegnidas formadas en connex cul project “Cuntrada cultivada Val Medel”, d’ulteriuras gruppas d’interess e dils commembers dil cussegl da fundaziun.  
Ord il cerchel dil cussegl da fundaziun ein gia entginas ideas per projects vegni numnadas, numnadamein:
- Preits e tablas d’informaziun cun avis sin la Val Medel
- Punt Romana (reconstrucziun dil stadi d’origin)
- Sanaziuns da baghetgs e chischners
- Crear vias per contemplar la natira e la cultura, sche talas schaien buca el camp da responsabladad dalla vischnaunca.
- Lavur publica, p.ex. entras sustener ina excursiun historic-culturala ella Val Medel
 
Haveis vus damondas? Per plascher plidentei in commember dil cussegl da fundaziun.


Commembers

Giger Rinaldo  President 079 216 00 17 (m)
Huonder Hans  Actuar 079 223 34 62 (m)
Venzin Toni  Cassier 079 246 91 31 (m)
Venzin Werner  Ex officio 079 352 93 22 (m)
Jud Silvia  Commembra 079 730 18 72 (m)
Beeli Gabriel  Commember 079 599 90 79 (t)
Pally Pauli  Commember 081 947 66 65 (t) 079 319 67 72 (m)

Formular da damonda