Medel
Lucmagn
Medel
Lucmagn

    Ovra electrica Medel

    L'ovra electrica Medel meina agen quen e vegn administrada independentamein dalla vischnaunca.
    Gl'intent dalla OEM ei il provediment da tuttas fracziuns dalla vischnaunca da Medel cun energia electrica. La OEM vegn administrada d'ina cumissiun administrativa alla quala 3 commembers appartegnan.
    Il manteniment dalla reit succeda entras tiarzas firmas. Las datas dils dumbraders vegnan legidas giu entras la OEM e medemamein exequescha quella era l'administraziun dils quens.
    La OEM producescha negina forza electrica, mobein cumpra en tut l'energia. Il consum annual d'energia ella Val Medel munta a ca. 7 milliuns kWh.


    Preparaziun d'aua caulda cun collecturs da solar

    L’Ovra electrica Medel sustegn sin fundament digl art. 2 dils statuts - persunas legitimadas - tier la midada dil sistem per la preparaziun d’aua caulda cun collecturs da sulegl. Il susteniment finanzial importa al factur 1,5 dalla summa che vegn sustenida dil cantun. La contribuziun succeda tenor il program da promoziun dil cantun Grischun per indrezs solars termics. La damonda da contribuziun ei da suttametter all’Ovra electrica Medel, 7184 Curaglia. Tier la damonda ei d’aschuntar la disposiziun davart l’empermischun da contribuziun dil cantun Grischun. Las prescripziuns da baghegiar dalla vischnaunca da Medel/Lucmagn ein d’observar.


    Stromkennzeichnung


    Certificat d'energia