Medel
Lucmagn
Medel
Lucmagn

Pleiv Medel/Lucmagn

Pleiv Medel/Lucmagn

Cordial beinvegni tier la pleiv da Medel/Lucmagn. Nus selegrein da Vossa viseta. Nies survetsch ei da porscher a Vus informaziun actualas davart ils fatgs da nossa pleiv. 


Actual:

Las reginas dalla Val Medel 2023


Historia

La historia da nossa Val entscheiva ton sco igl ei enconuschent entuorn ils onns 700 cun Sigisbert,il prus pelegrin francon e siu gidonter Placi. El liug, nua che Placi ei vegnius scavazzaus ei la baselgia da s.Placi vegnida baghegiada ed entuorn ils onns 750 l'emprema claustra. Cun quella fundaziun entscheiva era la historia dalla Val Medel e dil Pass Lucmagn.

La historia dalla Val ei en siu origin pia oravontut la historia dalla claustra da Mustér e historia dil pass Lucmagn. La perscrutaziun historica suppona denton era l'existenza aunc pli veglia d'ina via romana sur il pass ( aunc oz il num Punt Romana) a Pali. Gia entuorn il 5/6 avel tschentaner fuva il Lucmagn probabel enconuschents sco passadi dil sid al nord e viceversa sur las alps. Da lezzas uras sco via da sauma da Mustér sur Sontga-Gada,Mompé-Medel,Vergera,Mutschnengia tras Platta a S. Gions,sur il pass Lucmagn ( sin 1918 m.s.m), tras la Val Blegn giaden el Tessin ed encunter l'Italia.

Project d'ina viafier sur il Lucmagn: 

Ord igl onn 1937 dat ei in studi digl inschignier cantunal Richard La Nicca per ina lingia da viafier tras las Ruinas e dalla val viaden sur il Pass dil Lucmagn. Igl onn 1845 han La Nicca e siu cumbattant Wolfgang Kilias inoltrau tier la regenza cantunala la damonda da cincessiun per la construcziun d'ina viafier naven dil cunfin el nord dil cantun,encunter Cuera e sur il Lucmagn tochen il cunfin dil Tessin. Ei ha caschunau grevas e liungas tractivas cun ils cantuns cunfinai da S. Gagl e Tessin,sco era cun Turin,Genua e Mailand pertuccont la finanziaziun dil priject. Suenter las tractivas e conferenzas che han buca purtau resultats duvreivels, sco era per munconza d'il sustegn sin palancau naziunal, ha il cussegl grond dil cantun Grischun decidiu ils 2 da fenadur 1852 da buca dar la conzessiun per ina viafier sur il Lucmagn. Sur il Pass duei ad interim vegnir baghegiau mo ina via. Cheutras ei il project dalla viafier tras la Val Medel staus satraus. Enstagl dalla Viafier sur il Lucmagn ei la Viafier dil Gotthard vegnida realisada ( avertura 1882). 

La construcziun dalla via sur il Lucmagn ( 1870-1877)

Igl october 1860 concluda il cussegl grond dil cantun da baghegiar enteifer 12 onns ina via da colligiaziun da Mustér, tras las Ruinas,dalla Val Medel viaden e sur il pass Lucmagn.

Las lavurs han entschiet igl onn 1870 e l'avertura dalla nova via tras las Ruinas ha giu liug igl onn 1877. Ils 20 da settember da quei medem onn ei l'emprema carrotscha carrada sur il pass.


secretariat

Secretariat pleiv Medel/Lucmagn

Gienal Patric 079 104 61 89 pleiv.medel@gmail.com    

Formular annunzias

Preziai parochians/as in batten ni ina nozza haveis Vus era la pusseivladad dad annunziar online il tal talun ei el sectur da  "survetschs" sut formular d'annunzia.Naturalmein astgeis Vus era annunziuar sco tochen dacheu per telefon ils fatgs tier il secretari da pleiv.