Pil diever e menaschi dalla deponia a Fadretsch vala naven digl 1. da settember 2025 suandonta reglamentaziun:

Temps d’avertura:
mintga emprema e tiarza gievgia dil meins dallas 16:00 – 18:00 (priu ora firaus).

Duront quei temps sa vegnir furniu:

  • Cartun
    Il cartun sto esser smaccaus plat e mess ensemen.
  • Sacs blaus per plastic
    Il plastic sa vegnir dismess sulettamein en ils sacs blaus per plastic.
  • Ieli vegl da cuschinar
  • Lenna / mischiera
    Per lenna veglia stat ina mulda a disposiziun. Medemamein san pigns quantums (ca. 1t) mischiera (Bauschutt) vegnir deponi leu en ina mulda. Gronds quantums mischiera ein da transportar directamein silla deponia regiunala a Rueun. Per lenna e mischiera vegn incassau suandontas taxas:

    • lenna veglia 30.—/m3
    • mischiera 70.—/t
  • Fier

Da tut temps sa vegnir furniu:

  • Curdem verd
    Curdem verd derivonts d’orts e curtgins sa vegnir deponius da tut temps sil plaz corrispundent en la deponia a Fadretsch. La porta ei adina da serrar.
  • Restonzas da caglias eav.
    Caglias e roma ei da deponer sil plaz all’entrada sisuren dalla deponia a Fadretsch.

Suprastonza communala
Medel/Lucmagn