La vischnaunca da Medel/Lucmagn fa attents la populaziun ch’ins sappi annunziar schabetgs cun tgauns al post cantunal cumpetent.
Ils suandonts cass san vegnir annunziai:
- cumpurtament agressiv da tgauns
- smanatschas entras tgauns
- blessuras da carstgauns ni animals
- auters incaps relevants per la segirtad cun tgauns
Per talas annunzias stat il formular ufficial online dil cantun Grischun a disposiziun.
Las annunzias inoltradas vegnan examinadas digl Uffeci per la segirtad da victualias e per la sanadad d’animals dil cantun Grischun. En cass da basegns vegnan ils sclariments e las mesiras necessarias instradadas entras ils posts cumpetents.
La suprastonza recamonda da documentar ils schabetgs aschi exact sco pusseivel, cunzun datum, uras, liug, descripziun dil schabetg sco era indicaziuns davart eventualas perdetgas. Sche avon maun san era fotografias ni ulteriurs mussaments vegnir inoltrai.
Persunas senza access agl internet ni cun basegns da sustegn san sevolver tier l’administraziun communala.