Per l’elecziun da dus commembers supplementars per la perioda d’uffeci 2026/2029 havein nus encuretg duas persunas per occupar igl uffeci naven dils 01-07-2026. Entochen ussa ei vegniu inoltrau la candidatura da Ciril Lutz, Matergia, sco niev gerau. Igl ei denton aunc buca reussiu d’anflar il/la secundA candidatA pil post el gremi dalla suprastonza communala.
En sia seduta dils 14 d’avrel ha la suprastonza communala decidiu d’interprender in’ulteriur sforz per saver occupar il post vacant. Sebasond sin art. 16 dalla lescha davart votaziuns ed elecziuns vegn dau in’ulteriura ga la pusseivladad a vischinadis e gruppaziuns da silmeins 10 votantAs da far propostas per candidatAs.
Las propostas ein da far a scret e d’inoltrar entochen venderdis, ils 8 da matg 2025 all’administraziun communala.
Nus sperein ch’ei reusseschi d’occupar quei uffeci vacant cun ina persuna capavla ch’ei prompta da surprender responsabladad e da s’engaschar pil beinstar general da nossa cuminonza.
L’elecziun dils dus geraus ni gerauas ha liug ils 14 da zercladur 2026 all’urna.