Carta dil di a prezi reduciu pil traffic public
La vischnaunca da Medel introducescha la carta dil di a prezi reduciu. Ei dat in contingent total per di per l’entira Svizra. Purschiu vegn la carta per l’emprema ni per la secunda classa sco era cun ni senza mesa taxa. Ella ei valeivla per tut ils tschancuns dil sectur d’applicaziun digl abonnament general (GA). Pli baul ch’ins cumpra la carta e pli bass ch’il prezi ei.
Scalem da prezi 1
(da survegnir max. entochen 10 dis avon il di da viadi)
2. classa cun mesa taxa fr. 39.—
2. classa senza mesa taxa fr. 52.—
1. classa cun mesa taxa fr. 66.—
1. classa senza mesa taxa fr. 88.—
Scalem da prezi 2
(da survegnir max. entochen 1 di avon il di da viadi)
2. classa cun mesa taxa fr. 59.—
2. classa senza mesa taxa fr. 88.—
1. classa cun mesa taxa fr. 99.—
1. classa senza mesa taxa fr. 148.—
La carta dil di sa vegnir retratga sulettamein al spurtegl dalla canzlia communala.
Disponibla ei la carta mo a moda persunalisada (negina transferibladad a tiarzas persunas) ed ella sa mo vegnir restituida en cass excepziunals. La vischnaunca da Medel porscha il survetsch da reservaziun sulettamein per habitonts sco era possessurs da secundas habitaziuns da
Medel. Sin www.spartageskarte-gemeinde.ch anfleis Vus la gliesta da disponibladad actuala.
Administraziun communala
Medel/Lucmagn