Igl onn 2018 ei la constituziun communala vegnida adattada. Enstagl da tschun commembers consista la suprastonza dapi lu mo da treis persunas ed in suppleant. Pervia dalla gronda lavur ed era per garantir ina repartiziun pli gesta dalla responsabladad ha la cumissiun „Suprastonza 2027+“ examinau sche quella structura ei era egl avegnir adequata.
La cumissiun propona da puspei turnar tier tschun commembers. Aschia duein las incumbensas vegnir repartidas meglier e la lavur vegnir garantida a liunga vesta.
La perioda d’uffeci actuala cuoza tochen la fin da zercladur 2027. La midada cun elecziuns etappadas va en vigur – resalvau l’approbaziun dalla revisiun parziala dalla constituziun – gia il 2026. En quei connex ha liug ils 29 d’october 2025 ina sera d’informaziun per la populaziun.
Suprastonza communala
Medel/Lucmagn