Medel
Lucmagn
Medel
Lucmagn

Monuments culturals

En la val Medel secattan duas baselgias e numerusas capluttas. La baselgia parochiala cul santeri sesanfla a Platta. En egl dattan il clutger en stil romanic ed il maletg da s. Cristoffel alla fatschada dil sid, in'ovra da Antonio de Tredate da Locarno (TI). En la baselgia da Curaglia secatta in altar gotic ord l'entschatta dil 16avel tschentaner. Ulteriuramein era ina pictura al fresco "Il giuvenessendi" ed ina impressiunonta via dalla crusch en mosaic, creada dil pictur-artist indigen Titus Lutz (*16.01.1918, +16.09.1993) dil temps modern.
La caplutta da s. Bistgaun a Mutschnengia ha medemamein da presentar scazis historics d'art da gronda valeta, denter auter in altar da Jakob Greutter ord l'entschatta dil 17avel tschentaner. La caplutta dil hospezi a Sogn Gagl ei ornada cun frescos ord il 14avel tschentaner. Denton era las ulteriuras capluttas dalla vallada a Soliva, Biscuolm, Pali, Pardé, Fuorns, Acla, Sogn Gions e Sontga Maria cuntegnan bia interessant ed envidan il visitader da sefermar.