Sut il num Provediment d’aua Medel/Lucmagn exista ina corporaziun d’aua dil dretg public el senn dils art. 63 ss dalla lescha da vischnauncas dil Cantun Grischun ed art. 71 ss dalla constituziun communala.
La corporaziun d’aua ademplescha ils pensums adossai ad ella dalla vischnaunca e da ses commembers. En special ei adossau alla corporaziun ils suandonts pensums:
- Da furnir buna e sufficienta aua en zona da baghegiar a casas privatas, a baghetgs publics ed industrials, a menaschis purils, a fontaunas ed a plazzas publicas e da procurar per aua sufficienta en cass da fiug.
- Da procurar per l’erecziun e pil manteniment dallas tschaffadas, dils reservuars e dallas reits publicas digl aquaduct.
